Imirwano ikomeje kvuza ubuhuha hagati y’ihuriro ry’ingabo za Congo Kinshasa n’umutwe w’inyeshyamba za 23 aho kuri ubu yasatiriye ahitwa Masisi ku Zone abarwanyi benshi ba Mai Mai PARECO bakaba bayiguyemo.
Isoko ya Rwandatribune iri muri Masisi ivuga ko isasu ryaramukiye ku muryango w’ahitwa Rusheberi ugana mu gace ka Masisi Zone, uyu mutangabuhamya avuga ko abarwanyi ba Wazalendo batabashije guhagarara Imbere y’Intare za Sarambwe (M23).
Ababyiboneye n’amaso bo baravuga ko abarwanyi ba Wazalendo bakomeje guhunga Masisi ku zone, mu gihe umutwe wa M23 wateye ku bwinshi ako gace karimo abarwanyi ba FDLR bayobowe na Maj. Yefuta, bahunze berekeza I Gatoyi.
Umwe mu baturage bari muri ako gace utashimye ko amazina ye atangazwa avuga ko Gen.Kigingi wa PARECO yarasiwe muri iyomirwano akaba yakomeretse bikabije.
Ni mu gihe mu mirwano yabaye ku mugoroba w’ejo wa Joro ku wa Gatatu, tariki ya 01/05/2024, Ingabo za M23, zirukankanye bikomeye ihuriro ry’Ingabo za Guverinoma ya Kinshasa, zibambura ibindi bice byo muri Grupema ya Ngungu, muri teritware ya Masisi birimo Mululu, Runigi, Kanyenzuki ndetse na centre ya Grupema ya Ngungu, iwabo w’Inka z’Abatutsi.
Mwizerwa Ally
Rwandatribune
