Rutebuka Bon Fils umwe mu bagize umutwe wa Twirwaneh uyoborwa na Col Rukunda Micheal (Makanika) wari uherutse gutabwa muri yombi na FARDC yarekuwe.
Rutebuka Bon Fils bivugwa ko ashinzwe kugurira intwaro umutwe wa Twirwaneho yatawe muri yombi kuwa 12 Kamena 2021 mu gace ka Runundu gaherereye i Minembwe muri Teritwari ya Fizi.
Cpt Dieudonné Kasereka, umuvugizi w’ingabo za Congo FARDC muri Operasiyo Socola 2 ikorera muri Kivu y’Amajyepfo yavuze ko uyu murwanyi wa Twirwaneho yafatanwe imbunda yo mu bwoko bwa AKA 47 n’amasasu yazo 96 yari kumwe n’ibyombo 2 bya Motorola.
Capt Kasereka yagize ati “N’umugore we Penina Consolet yafunzwe azira ubufatanyacyaha mu kugura intwaro zirimo Magazines z’amasasu 60. Iperereza riracyakomeje”
Dieudonné Kasereka yavuzeko hari abandi basirikare bahoze muri FARDC bafunzwe bakekwaho ubufatanyacyaha mu kugurira umutwe wa Twirwaneho ugizwe n’Abanyamulenge intwaro zirimo imbunda n’amasasu yazo
