Mu mafoto: Perezida Museveni yanyagiriwe ku rugo rw’umupfakazi w’inshuti ye

Perezida wa Uganda Yoweri Kaguta Museveni yatunguye abamukurikira ku rubuga rwa Twitter mu mafoto anyagirirwa ku irembo rw’umuturage yari yasuye mu gace ka Mbale.

Mu butumwa yatanze, Museveni yavuze ko aho yagaragaye anyagirirwa ari ku rugo rutuyemo umuryango w’inshuti ye Bugisu  witabye Imana mu bihe byo ha mbere.

Museveni kandi  ntiyari wenyine kuko yari aherekejwe n’umukobwa we Natasha Karugire usanzwe ari no muri Komite ishinzwe kumwamamaza.

Mu butumwa Perezida Museveni yanditse yagize”Njye n’umukobwa wanjye Natasha Karugire twasuye umuryango wa Nyakwigendera Bugisu umunyabigwi wa   FRONASA , mu gace ka Maumbe Mukhwana kari I Mbale.

Perezida Museveni wari wambaye ishati y’umuhondo igaragaza ibirango by’ishyaka rye NRM, bikekwako yasuye uyu muturage nyuma y’ibikorwa byo kwiyamamaza yarakubutse mu bice bihana imbibi na Mbale.

Si ubwambere Museveni agaragaye yajyanye n’abo mu muryango we mu bice by’icyaro, kuko no mu Ukwakira yafashe rutemikirere n’abuzukuru be bakerekeza mu cyaro avukamo , aho binavugwago yasuye n’abayobozi bo mu nzego zo hasi bagasangira.