Sosiyete Sivile ikorera muri Teritwari ya Rutshuru, ivuga ko umutwe wa M23 ushobora kuba uru mu migambi yo kugaba ibindi bitero ukaba wakwigarurira ibindi bice muri Titwari ya Rutshuru .
Iyi sosiyete Sivile ivuga ko mu duce tugenzurwa na M23 muri rutshuru hari kugaragara urujya n’uruza rw’abarwanyi ba M23 bava mu duce tumwe bakerekeza mu tundi bagamije kongera umubare mu duce ugenzura duhana imbibi n’utundi tugenzurwa na FARDC
Bakomeza bavuga abarwanyi benshi ba M23 bari kuva mu gace ka Nyamilima muri Gurupoma ya Binza, bakajya kwirunda mu gace ka Kisharo.
Bongera ho ko no mu gace ka Kiwanja, umubare w’Abarwanyi ba M23 uri kwiyongera ndetse hari kugaragar abarwanyi benshi ba M23 bari gukora amarondo adashira, ariko bakaba batazi intego M23 yayo marondo.
Iyi sosiye Sivile yatanze impuruza ,ivuga bishoboka ko M23 yaba iri gutegura ibindi bitero bikomeye mu rwego rwo kwigarurira ibindi bice muri Teritwari ya Rutshuru ndetse ikaba yakwambuka ikagera no muri Masisi.
Iyi Sosiyete Sivile, itangaje ibi mu gihe umutwe wa M23 uri muri gahunda yo kuva mu bice wigaruriye nyuma ya Kibumba na Rumangabo mu rwego rwo kubahiriza imyanzuro ya Luanda na Nairobi ,ariko Abanyekongo bashigikiye Ubutegetsi bakavuga ko M23 iri kujijisha, kuko yaba muri Kibumba na Rumangabo hakiri abarwanyi ba M23 .
