Canisius Munyarugero Umuvugizi wungirije wa ARC/M23 mubya politiki, yagize icyo avuga ku biheruka gutangazwa na Antonio Guterres Umunyamabanga mukuru w’Umuryango w’Abibumbye.
Imbere y’Akanama ka ONU gashinzwe amahoro n’umutekano ku Isi mu mpera z’icyumweru gishize, Antonio Guterres yagarutse ku kibazo cy’umutekano mucye mu burasirazuba bwa DRC yibanda ku ntambara imaze igihe ihanganishije umutwe wa M23 na Kinshasa .
Agaruka ku kibazo cya M23,Antonio Guterres, yavuze ko hari impungenge z’uko muri iyi minsi umutwe wa M23 uri mu mishikirano n’undi mutwe uzwi nka “Twirwaneho” y’Abanyamulenge ukorera muri Kivu y’Amajyepfo mu misozi miremire ya Minembwe.
Umunyamabanga mukuru wa ONU,yakomeje avugako ikigamijwe, ari uko iyi mitwe yombi isanzwe idacana uwaka n’Ubutegetsi bwa Kinshasa, ishaka gushyira hamwe kugirango itangize ibindi bitero muri Kivu y’Amajyepfo.
Mu kiganiro yagiranye na Rwandatribune.com , Canisius Munyarugero Umuvugizi wungirije wa ARC/ M23 mubyapolitiki, yagize icyo abivugaho ndetse agaragaza ko ibibazo Abanyamulenge bari guhura nabyo muri Kivu y’Amajyepfo, bahuye neza niby’ Abanye congo bavuga Ikinyarwanda muri Kivu y’Amajyaruguru .
Kanda kuri iyo Link ya Video iri hasi, wumve uko Canisius Munyarugero abisobanura mu magambo arambuye:
Claude HATEGEKIMANA
Rwandatribune.com
