Ni M23 cyangwa FARDC :Urujijo ku waba yarashe indege ya MONUSCO yaguyemo abasirikare 8

Ku gicamunsi cyo kuri uyu wa Kabiri tariki ya 29 Werurwe 2022, nibwo indege y’umuryango wabibumbye yagenzura umutekano  mu duce turi kuberamo imirwano yarashwe n’abantu bitaremezwa niba ari M23 cyangwa FARDC.

MONUSCO ibinyujije ku rukuta rwayo rwa Twitter yaje gutangaza ko hari indege yari iri mu bikorwa byo kugenzura uduce turi  kuberamo imirwano yaburiwe irengero.

Ikinyamakuru Election.net cyanditse ko iyi ndege yarashwe n’abarwanyi ba M23 ndetse 8 mu basirikare bari bayirimo bahise bapfa.

Umuvugizi w’ingabo za Congo muri Kivu y’Amajyaruguru Gen Bri Ekenge Bofuma Efomi Sylvain yavuze ko agace yarasiwemo kari mutwo M23 ifitemo intwaro zikomeye.
Hari anadi makuru avuga ko iyi ndege ishobora kuba yarashwe n’ingabo za Congo Kinshasa mu buryo zitateguye biturutse ku bisasu byinshi zarasaga mu kirere cya Chanzu, Runyoni,Ndiza na Tchengero aho bivugwa ko ari cyo cyerekezo ingabo z’uyu mutwe ziherereyemo.

Imirwano ihanganishije umutwe wa ARC, ushamikiye ku cyahoze cyitwa M23 n’ingabo za Congo yatangiye kuri uyu wa Mbere tariki ya 28 Werurwe 2022, aho ku ikubitiro  M23 yahise yisubiza uduce twa Chanzu na Runyoni yari iamze iminsi yambuwe n’ingabo z’igihugu.

Inkuru irambuye kanda hasi