Nord Kivu: Abarwanyi ba NDC-Rénové iyoborwa na Gen Guidon bagabye igitero ku birindiro by’umutwe wa FPP /AP witeguraga gushyira intwaro hasi

Itsinda rigari ry’abarwanyi b’umutwe wa NDC-Rénové uyoborwa na Gen Guidon Shimiray  rwagabye igitero simusiga ku mutwe wa FPP/AP uyoborwa na Gen Kabido nyuma yo kumenya ko wapanze gushyira intwaro hasi ukishyikiriza ingabo za Repubulika iharanira Demokarasi ya Congo FARDC.

Iki gitero cyabereye muri Teritwari ya Lubero, aho umuyobozi wa NDC-Rénové usanzwe afitanye umubano mwiza n’inyeshyamba za ADF mu rwego rwo kuburizamo umugambi uyu mutwe wari ufite wo gushyira aka gace wayoboraga mu biganza by’ingabo z’igihugu.

Bivugwa ko agace umutwe wa FPP/AP  wayoboraga gahana imbibi n’umuhora wa Ruguru wa Beni aho mutwe wa ADF ufata nk’iturufu ikomeye yawufasha guhangana n’ingabo z’igihugu zikomeje kubotsa igitutu.

Abaturage batuye Bunyatenge bavuga ko batazibagirwa ibihe bibabaje banyuzemo ku bw’umutwe NDC-Rénové  uyoborwa na Guidon  mu myaka ya 2016, 2017 na 2018 aho  Guidon yarasaga abaturage mu mijyi ya  Mwekwe, Kasugho, Kaberi na  Kateku yo mjuri Lubero