Ibitero by’indege z’intambara FARDC iheruka kugura mu burusiya zo mu bwoko bwa Sukhoi 25 birakomeje mu duce tugenzurwa na M23.
Umutwe wa M23, uvuga ko kuva ku munsi wejo tariki ya 7 Ugushyingo 2022 ibi bitero byatangira, nta musirikare n’umwe wa M23 urabigwamo ngo kuko bari bamaze iminsi babyiteguye kandi banategura uburyo bwo kubyirinda.
Maj Willy Ngoma amuvugizi wa M23 mubya gisirikare, yatangaje ko abari kubigenderamo ari abaturage baherereye mu bice M23 igenzura, bari kuraswaho n’izo ndege byanatumye bamwe muri bo batangira guhunga.
Yagize ati:” Nta musirikare n’umwe wa M23 uragwa muri ibi bitero cyane cyane ko byatangiye tumaze iminsi tubyiteguye kandi dufite uburyo twashizeho bwo kubyirinda. Abaturage nibo bari kubigenderamo kuko FARDC iri kurasa mu bice biherereyemo abaturage benshi bigatuma bamwe batangira guhunga.”
HATEGEKIMANA Claude
Rwandatribune.com
