Ntabwo tuzongera kwiruka :Gen Mpenzo Bruno yihenuye kuri M23

Umuyobozo mukuru w’Ingabo za FARDC muri regiyo ya 34 ikorera muri Kivu y’Amajyaruguru, yasabye Abasirikare ayoboye, kutazongera kwiruka ngo bate umujyi wa Goma mu gihe M23 yagerageza kongera kuwugabaho ibitero.

Ni ibyatangajwe  Gen Maj Mpezo Bruno   kuwa 3 Gicurasi 2023 imbere y’imbaga y’Abasirikare ba FARDC mu mujyi wa Goma, mu rwego rwo kubashima no kubatera akanyabugabo .

Gen Maj Mpezo , avuga ko ibintu byahindutse bitakiri nka mbere , ngo  kuko nta musirikare wa FARDC uzongera kwiruka ngo ate umujyi wa Goma ,mu gihe M23 yakongera kugerageza kuwugabaho ibitero .

Ati:”Ibintu byarahindutse hano i Goma kandi M23 igomba kubimenya. Nta Musirikare wa FARDC uzongera kwiruka ngo ate umujyi wa Goma nk’uko byakunze kugenda mu myaka yashize  ubwo M23 yawigaruriraga. Nta musirikare wiruka. Tuzarwana na M23 kugeza ku musirikare wa nyuma ibyo mugomba kubimenya neza.”

Gen  Mpezo Bruno, yongeyeho ko Ingabo za FARDC zitazongera gukoza isoni Abayobozi b’igihugu ,ahubwo ko zizakomeza guhangana na M23 kugeza itsinzwe .

Gen Maj Mpezo , atangaje ibi mu gihe M23 yatanze agahenge k’imirwano no kurekura uduce yigaruriye muri teritwari ya Masisi na Rutshuru mu rwego rwo kubahiriza imyanzuro ya Luanda na Nairobi .

Ni mu gihe ingabo za FARDC zakunze kunengwa na benshi , bitewe no  kutabasha  kwihagararaho imbere y’Abarwanyi ba M23 , kuko buri gihe iyo basakiranye zihita bakizwa n’amaguru kubera gutinya urusasu rwa M23.

Claude HATEGEKIMANA

Rwandatribune.com