Imirwano mishya hagati y’Ingabo za Repubulika Iharanira Demokarasi ay Congo n’inyeshyamba zo mu mutwe wa M23 yaramukiye i Kibumba muri Teritwari ya Nyiragongo, nk’uko amakuru atangwa n’uruhande rw’inyeshyamba abyemeza.
Lawrence Kanyuka uvugira M23 mu bya Politiki yemeje amakuru y’iyi mirwano, anavuga ko iriya mirwano inarimo Ingabo za Loni ziri mu butumwa bwo kugarura amahoro muri RDC (MONUSCO).
M23 kandi yamaganye kuba ingabo za leta zahisemo kugaba ibitero mu duce dusanzwe dutuwe n’abaturage benshi, gusa ivuga ko abarwanyi bayo bari gukora uko bashoboye mu rwego rwo kurinda abasivile.
Imirwano y’i Kibumba yiyongereye ku yaramukiye mu gace ka Kivuye ko muri Teritwari ya Masisi mu gitondo cyo kuri uyu wa Gatandatu nk’uko BWIZA ibitangaza.
