Perezida wa Repubulika y’u Rwanda Paul Kagame akaba n’Umugaba w’Ikirenga w’Ingabo z’u Rwanda yazamuye mu ntera abasirikare bakuru muri RDF anabashinga inshingano nshya.
Nk’uko tubikesha itangazo ryashyizwe ahagaragara na RDF, Perezida Kagame yazamuye mu ntera Lt Col Emmanuel Ruzindana amugira Colonel amuha inshingano zo kuyobora ingabo muri Ambasade y’u Rwanda muri Uganda.
Lt Col Ruzindana yari asanzwe ari umuyobozi w’Ibikorwa bya Gisirikare , mu Rwego rw’Ubutasi bw’u Rwanda(DID). Col Ruzindaka asimbuye Col Burabyo James wari umaze igihe kirekire ashinzwe Dipolomasi ya Gisirikare muri Ambasade y’u Rwanda muri Uganda.
Hari kandi Lt Col Frank Bakunzi wayoboraga ishuri rya RDF/CSC Nyakinama wagizwe Colonel ahanahabwa kuyobora ingabo muri Ambasade y’u Rwanda mu Misiri.
Mu bandi, hari abasirikare bahinduriwe inshingano, harimo Brid Gen John Baptist Ngiruwonsanga wagizwe umuyobozi wa Operasiyo zo kugarura amahoro, mu biro bikuru by’ingabo z’u Rwanda.
Lt Col Innocent Kayisire wagizwe umuyobozi mukuru wa Horizon Logistics, Lt Col Claudien Bizimungu wagizwe umuyobozi wungije wa Brigade ishinzwe ubwubazi mu ngabo z’u Rwanda.
Hari kandi Lt Col Jean Paul Munana yagizwe Komanda wa Combat Brigade muri Engineering Brigade naho Lt Col Faustin Mafura agirwa Komanda wungirije muri iyi Brigade.
Muze twese twubake uRda rwa kanyarwanda kdi natwe imbaraga zacu zizabangombwa .
Asante sana Afande Kwa kuwapandisha wakubwa wetu kwangazi zilizo juu,
Kesho ni sisi wafuasi .Mungu muumba vyote akuwezeshe na akuongezeye pia na upendo kwani kupata Raisi kama nyinyi nimpaka kutoka jasho . kwa mema mnayo tendeaya sina tena la kusema