Abantu 15 barimo abapolisi 2 n’umusirikare 1 ba MONUSCO byemejwe ko baguye mu myigaragambyo imaze iminsi 2 yamagana MONUSCO mu mijyi wa Goma na Butembo.
Ibi byatangajwe na Patrick Muyaya , Minisitiri w’Itumanaho akaba n’umuvugizi wa Guverinoma ya Repubulika iharanira Demokarasi ya Congo. Minisitiri Muyaya yemeje ko abasivili 12 n’abakozi ba MONUSCO batatu baguye muri iyi myigaragambyo, mu gihe abandi 61 bakomerekeye muri iyi myigaragambyo barimo 38 bakiri kwitabwaho mu bitaro.
Yagize ati: “ Turihanganisha imiryango y’abavandimwe bacu ba MONUSCO baburiye ubuzima bwabo mu myigaragambyo uyu munsi. Muri rusange kuva ku munsi wo kuwa 25 Nyakanga 2022 hamaze gupfa abantu 15 barimo; abasivili 12, n’abakozi ba MOINUSCO 3. Muri Butembo haguye 7 mu gihe abagera kuri 61 bakometse kuri ubu bakaba barimo kuvurirwa mu bitaro bya Goma”
Minisitiri Muyaya yatangaje ko Leta yatangije iperereza ku bagize uruhare muri izi mfu z’abagera kuri 15 ndetse ngo ababifatirwamo bose bikagaragara ko babigizemo uruhare bazabiryozwa.
Abigaragambya muri Repubulika iharanira Demokarasi ya Congo bashinja MONUSCO kuba ntacyo yabamariye mu myaka 22 imaze ku butaka bw’iki gihugu, cyane ko ngo ibikorwa byo kwicwa no guhozwa ku nkeke bikozwe n’imitwe yitwaje intwaro bitigeze bihagarara.Ibi babiheraho bayisaba kuzinga utwayo ikava muri iki gihugu ngo bitabaye ibyo imyigaragambyo izakomeza.
(Xanax)
