Igisirikare cya Repubulika iharanira Demokarasi ya Congo FARDC cyatangaje ko kigiye kujya gifatira ibihano abasirikare bajya mu gace ka Beni mu buryo butemewe aho bikekwako baba bagiye mu bucuruzi butemewe burimo n’ubwibikoresho bya Gisirikare.
Umuvugizi wa Operasiyo Socola 1 , Lt Antony Mwalushay yabwiye itamngazamakuru ko FARDC iri mu bikorwa bya Gisrikare i Beni bityo ko abasirikare bose bahari bagomba guhita bajya mu kigo cya gisirikare cya Manbangu naho abatazabikora bafatwe nk’abashyigikiye imitwe yitwara gisirikare.
Yagize ati” Ndaha ubutumwa abasirikare bose bari mu gace ka Manbangu kwihutira kujya mu kigo cya gisirikare cya Manbangu. Umusirikare uzafatwa atari mu kigo cya Gisirikare azahita afungwa ndetse ashyikirizwe ubutabera.
Ibi ubuyobozi bwa Socola 1 bwabitangaje nyuma yo gufata abasirikare benshi ba FARDC bikekwako bari mu bucuruzi butemewe muri aka gace ubwo ingabo na Polisi bakoraga umukwabu kuwa 11 Nyakanga 2021.
Lt Antony Mwalushay yasabye abaturage kujya babatungira agatoki ingabo z’igihugu igihe babonye umusirikare muri Beni n’utundi duce dukorerwamo ibikorwa bya Gisirikare bya Socola 1.
Mu mujyi wa Beni kuwa 12 Nyakanga hafatiwe abantu 72 barimo abogore 24 bakekwaho kuba barakoraga ubucuruzi bw’imbunda zo mu bwoko bwa AKA 47 n’amasasu yazo bakingiwe ikibaba na bamwe mu basirikare.
