Mu ijoro ryo kuri uyu wa Kabiri tariki ya 17 Gashyantare 2021 abarwanyi b’umutwe wa ADF urwanya Leta Uganda bishe abaturage 4 mu murenge wa Rwenzori uherereye muri Teritwari ya Beni muri Kivu y’Amajyaruguru.
Amakuru ava muri Beni avuga ko mu basivili 4 bishwe harimo umuyobozi wo mu gace ka Rwenzori Kikuku Nicolas.
Aha muri Beni ibitero bya ADF byakomeje kwiyongera kuva mu mpera za 2020, aho kugeza ubu umubare munini w’abasivili umaze kuhaburira ubuzima.
Ubwo yari mu kiganiro n’itangazamakuru, umuyobozi w’ibikorwa bya gisirikare muri operasiyo yiswe Socola 1 Gen. Peter Chirimwami yasabye abaturage bo mu gace kaberamo ibi bikorwa bya Gisirikare kubaha amabwiriza n’imbibi zashyizweho batagomba kurenga hagamijwe kurushaho kugeznura niba umutekano wabo ucunzwe neza.
Iki gitero cya ADF kibaye gikurikiye icyagabwe mu gace ka Kambatule-Libokora mu Murenge wa Rwenzori, kigahitana ubuzima bw’abasivili bagera ku 10.
Ildephonse Dusabe
