Mu burasirazuba bwa Congo, muri Masisi, kuri uyu wa gatatu, tariki ya 24 Mutarama 2024, imirwano ihanganishije M23 na Wazalendo yadutse mu misozi ireba i Mweso. I Kanyangohe, ku kirometero 1 uvuye i Mweso, urusaku rw’amasasu rumaze kumvikana.
Mweso yongeye kwibasirwa n’irasana ryifashishijwemo intwaro ziremereye n’izoroheje kuva mu gitondo cyo ku ya 24 Mutarama 2024. Ubwoba bwatumye abaturage bahungira mu bitaro bikuru bya Mweso.
Imirwano hagati ya M23 n’abarwanyi ba Wazalendo i Mweso no mu nkengero zayo yatumye umutekano wifata nabi guhera ejo ku ya 23 Mutarama 2024.
Iyi mirwano yatangiye ejo mu gitondo ku muhanda wa Pilote Mbuhi, yakomeje nko muri kilometero 6 uvuye i Mweso.
Nubwo imirwano yahagaze akanya gato ku manywa, byongeye gukomera cyane ku mugoroba wo ku wa kabiri, binakomeza mu gitondo cy’uyu munsi.
