Ku wa kane, tariki ya 11 Gashyantare 2021, ni bwo umusirikare ufite ipeti rya Liyetona mu ngabo za Congo FARDC yinjiye mu mutwe w’inyeshyamba wa Nyatura /CMC yitwaje intwaro ebyiri zo mu bwoko bwa AK 47 na RPJ mu gace ka Lusuli ho muri Teritwari ya Bwito.
Amakuru agera kuri Rwandatribune.com akomeza avuga ko uyu musirikare wihuje n’inyeshyamba yitwa Lieutenant Gisha, wari usanzwe ari umuyobozi wa Pleton y’ingabo za Congo zifite icyicaro i Lusuli.
Kugeza ubu icyateye uku kwitandukanya n’igisirikare cy’igihugu k’uyu musirikare ntikiramenyekana. Amakuru aturuka muri ako gace yerekana ko Liyetona Gisha byatangiye ashaka kwinjirana mu nyeshyamba n’itsinda rye ryose gusa abo yari ayoboye bamubera ibamba ahitamo kugenda wenyine.
Abaturage bakomeje kwibaza impamvu umusirikare wari ufite inshingano zo kubarinda yaba yafashe icyemezo nk’iki kigayitse.
Ildephonse Dusabe
