RDC:Abarwanyi ba FLN bameneshejwe muri Kalehe na Kauzi Biega,bariguhungira mu ishyamba rya Hewa Bola.
Abarwanyi ba FLN bacitse ku icumu rya FARDC barigihungira mu ishyamba rya HEWA BOLA hafi n’ibirindiro bya Jenerali Hamada biri ahitwa I Kirembwe.
Amakuru agera kuri Rwandatribune.com,dukesha umunyamakuru wacu uri I Shabunda,aravuga ko umurongo w’abarwanyi bagera muri 320 ,ba FLN nyuma yaho baminjagweho ibisasu ahitwa Kalehe,Rutare,Pinga na Kinono abacitse ku icumu berekeje mu Ishyamba rya Hewa Bola riri muri Kivu y’amajyepfo mu birometero 230Km uvuye I Kalehe.
Umuturage waganiriye n’umunyamakuru wacu wiboneye n’amaso ahitwa ku Nzara yiboneye ubwe umurongo w’inyeshyamba bzirenga Magana atatu hagati mu murongo abasore bane bahetse mu ngobyi y’abarwayi gakondo,Umukuru w’inyeshyamba Lt.Gen Wilson Irategeka umaze iminsi warabyimbye ibirenge kubera urugendo rurerure n’uburwayi asanganwe.
Iyi mirongo y’aba barwanyi ikaba yerekezaga mu ishyamba rya HEWA BOLA.ari naho hari ibirindiro bikuru bya FLN bibarizwamo Gen.Habimana Hamada,iri shyamba rikaba riri mubyo FLN ikuramo ubutunzi bwinshi bw’amabuye y’agaciro ,imbaho n’amakara bigurishwa n’abakur b’izi nyeshyamba.
Mu kiganiro aherutse kugirana na BBC Umuvugizi wa FARDC muri Kivu y’Amajyepfo Capt.Dieu Donne Kasereka yavuze ko inyeshyamba zose z’abanyamahanga zigomba kuva k’ubutaka bwa Congo.
