Abasilikare ba FARDC,bakomeje guhungira iKanyabayonga ku bwinshi
Usibye Rwindi yo muri Teritwari ya Rutshuru yigaruriwe na M23, Umunyamakuru wacu uri Goma yemeje ko uyu mutwe wanigaruriye uduce twa Kashuga na Misinga duherereye ku bilometero bibarirwa mu icumi uvuye i Mweso.
Ni nyuma y’imirwano ikomeye yayisakiranyije n’Ingabo za leta mu gitondo cyo kuri uyu wa Gatanu,abasesenguzi bavuga ko kuva umutwe wa M23 washingwa aribwo bwa mbere ukandagije ibirenge mu bice bya Teritware ya Walikare dore ko agace ka Gashuga ari naho kabarizwa.
Ubwo twandikaga iyi nkuru,hari amakuru menshi yemeza ko uyu mutwe wakomeje ibindi bitero bigamije kwigarurira Teritwari ya Rutchuru yose na Masisi.
Mwizerwa Ally
