Ku isaha ya saa sita n’iminota 20 umutingito ukomeye usenye ½ cy’igorofa rikorerwamo n’ibitaro La Croix du Sud bya Dr.Nyirinkwaya.
Ibitaro La Croix du Sud biherereye mu Murenge wa Gisenyi,Akagari ka Nengo,Akarere ka Rubavu byadukiriwe n’umutingito ukomeye wangije n’andi mazu tutaramenya umubare.
Kuva mu gitondo cyo kuri uyu wa gatatu taliki 26 Gicurasi 2021 umutingito wakomeje kwibasira umujyi wa Rubavu kimwe n’inkengero zawo ari nako ukomeje kwangiza ibintu byinshi.
Muri uyu mujyi kandi ubuzima bwahagaze,aho ama banki,amavuriro,isoko n’ahandi hahuriramo abantu benshi hafunzwe,imodoka zitwara abagenzi zibavana mu ntara zitandukanye nazo zagabanyijwe ku gipimo cyo hasi,abaturage benshi bakaba bamaze guhunga imitingito muri uyu mujyi wa Rubavu.
Mwizerwa Ally
