None kuwa 20 Nzeri 2021 nibwo hasomwa urubanza rwa Paul Rusesabagina , Nsabimana Calixte wiyise Sankara na bagenzi babo 19 biganjemo abahose mu mutwe wa FLN ku byaha bakurikiranweho by’iterabwoba.
Ni urubanza rusomwa Paul Rusesabagina adahari kuko kuva yatangaza ko yikuye mu rubanza atongeye kugaragara imbere y’iteko iburanisha.
Uru rubanza rumaze amezi akabakaba 8 ruburanishwa ruregwamo abantu 21 bashinjwa kugira uruhare mu bitero by’iterabwoba byibasiye abaturage mu majyepfo y’igihugu ahegereye ishyamba rya Nyungwe mu myaka 2018 na 2019.
Mu nshuro nke yitabye urukiko, Paul Rusesabagina yiyemereye ko yari umwe mu bagize uruhare mu ishingwa ry’ingabo za FLN ku bufatanye bw’amashyaka ya PDR Ihumure na CNRD Ubwiyunge.
