Inyeshyamba z’abanyarwanda babarizwa mu mutwe wa RUD URUNANA bahawe amasaha 24 kuba barekuye umuturage ufite ubwenegihugu bwa Kenya
Mu itangazo umutwe wa AFC wasize ahagaragara ejo taliki ya 28 Kanama 2024 wamenyesheje umuryango mpuzamahanga ko hari umuturage ufite ubwenegihugu bwa Kenya washimutiwe mu gace ka Giseguru,Gurupoma ya Binza,Teritwari ya Rutchuro.
Mu iri tangazo havugwamo umwirindoro w’uyu mutegarugori usanzwe ari umushoferi ko amazina ye ari Frolence Wanza Munyao wavutse mu mwaka wa 1979 akaba yaravukiye mu gace ka Machakos muri Kenya akaba yarashimuswe kuwa kabiri taliki ya 27 Kanama n’abarwanyi ba FDLR.
Isoko ya Rwandatribune iri muri ako gace ivuga ko uyu Munyakenya yashimuswe n’abarwanyi ba RUD URUNANA bayobowe na Col.Faida,abatangabuhamya bakavuga ko itsinda ryamushimuse riyobowe na Ajida Yasolo.
Umuvugizi wa Sosiyete Sivili muri ako gace Bwana Omar Kavota yabwiye Rwandatribune ko ingabo za FARDC zirikuvugana bya hafi n’abo barwanyi ndetse bakaba bahawe amasaha 24 yo kuba bamushikirije ingabo za Leta bitaba ibyo bakaraswa kimwe na M23.
Mwizerwa Ally
Rwandatribune
