Abarwanyi barwanira ubwigenge bw’akarere ka Donetsk gaherereye mu Ntara ya Donbas bafatanyije n’ingabo z’u Burusiya batangaje ko Ub urusiya bwigaruriye undi mujyi wa Ukraine uzwi nka Siversk uherereye mu karere ka Donetsk nk’uko byemejwe n’Ikinyamakuru cy’Abarusiya TASS.
Ni mu gihe Ingabo za Ukraine ku mugoroba wo kuwa 12 Nyakanga 2022 ziheruka gutangaza ko ingabo z’u Burusiya zitarabasha kugaba igitero ku birindiro byazo biri muri Siversk ariko ko uwo mujyi warimo kumishwaho ibisasu biremereye n’Ingabo z’u Burusiya.
Umwe mu bayobozi bo mu gace ka Luhansk, Vital Kiselyov nawe yari yatangaje ko Siversk ishobora gufatwa mu minsi ibiri gusa.
Hari hashize igihe gito u Burusiya butangaje ko bwamaze kwigarurira akarere kose ka Luhansk ndetse ko imbaraga zose zigiye gushyirwa ku karere ka Donetsk nako kari hafi yo kwigarurirwa n’u Burusiya bityo u Burusiya bukaba bubahije kwigarurira Intara yose ya Donbas
Hategekimana Claude
