U Rwanda  rwateguje icyemezo gikomeye  ku bushotoranyi bwa Congo

Guverinoma y’u Rwanda yatangaje ko  yakomeje gutanga abagabo ku bushobotanyi  bukorwa na Repubulika Iharanira Demokarasi ya Congo ku buryo haramutse hafashwe ikindi cyemezo  ntawavuga  ko atabwiwe.

Ibi byatangajwe n’Umuvugizi wungirije wa Guverinoma y’u Rwanda , Alain Mukularinda, ubwo yakomozaga ku  ndege y’ingabo za Congo  iherutse kuvogera ikirere cy’u Rwanda  ikaraswaho    igasubira ku kibuga cya Goma yaka umuriro  bigaragara ko yangiritse , aho yavuze ko  nubwo  iki gihugu cyahakanye  kuvogera ariko ko ibyakozwe  n’u Rwanda byari mu rwego by’ubwirinzi.

Mu kiganiro , Urubuga rw’Itangazamakuru kuri iki Cyumweru tariki 29 Mutarama 2023, Alain Mukuralinda yavuze ko  indege y’intamba y’ingabo za Congo imaze kuvogera  ikirere cy’u Rwanda   ubugira Gatatu  kandi ko umunsi byasubiriye   ishobora guhanurwa cyangwa  hagafatwa ikindi  cyemezo gishya.

Akomeza avuga ko ubu bushotoranyi  bwaje bwiyongera  ku bw’umwaka ushize  kandi ko u Rwanda  rwagiye rumenyesha umuturanyi  bimwe akabyemera bibindi akabihakana.

Muri iki kiganiro, Alain Mukuralinda  yashimangiye ko u Rwanda rudateze  kujya mu ntambara yeruye  na Congo   cyane cyane ko yo  ifite  abo  bahanganye’Abaturage bayo’.

Umwuka mubi ukomeje gutungumba aho Repubulika Iharanira Demokarasi ya Congo ishinja u Rwanda   gutera inkunga  umutwe w’Inyeshyamba wa M23  mu gihe narwo  ruyishinja  gukorana  n’umutwe w’Iterabwoba  wa FDLR ururwanya ndetse ukaba ugizwe na bamwe mu bagize uruhare muri Jenoside yakorewe Abatutsi mu Rwanda mu 1994.

Uyu mutwe wa M23   mu matangazo atandukanye ndetse no mu bitangazamakuru bitandukanye wahakanye ko   ntaho uhuriye n’u Rwanda ahubwo ko ugizwe  n’Abanye-Congo barwanira uburenganzira bwabo ari nayo mpamvu wubuye imirwano.

Kuwa 24 Mutarama mu 2023 nibwo Ingabo z’u Rwanda zafashe icyemezo cyo kurasa ku ndege y’intambara ya Congo yari yavogereye ikirere cyarwo mu Karere ka Rubavu.

Ni ubushotoranyi bwaje bukurikira ubundi bwabaye muri mu 2022, ubwo Ingabo za RDC zarasaga ku butaka bw’u Rwanda mu Karere ka Musanze mu Kinigi, ndetse nyuma y’aho ibi bikaza gukurikirwa no gushimuta abasirikare babiri b’u Rwanda.

Mu bwirwaruhame z’abayobozi  ,abanyapolitiki  ndetse n’abavuga rikijyana  muri Congo ,u Rwanda ntirwibagiranye aho bamwe bashize amanga bagasaba ingabo z’igihugu cyabo  kurugabaho  ibitero.

Ni ibintu byagiye bishimangirwa n’imyigaragambyo y’abaturage  bamagana u Rwanda aho batwitse ibendera ryarwo ,bakibasira Perezida Kagame  ndetse na Ambasaderi warwo i Kinshasa akirukanwa.