Ubuhanuzi ku rupfu rwa Maj. Gavana wa RUD Urunana n’akagambane yakorewe

Mbere y’uko Maj.Gavana yicwa ubutumwa bwarisukiranyaga bumuburira ko agiye kugambanirwa n’abayobozi be akicwa.

Mu kiganiro na Madame  Niyirera Clementine ,umugore wa nyakwigendera Maj.Nshimiyimana Cassien wari uzwi nka Gavana, aherutse kugirana n’isoko ya Rwandatribune iri mu nkambi ya Rwamwanja ho mu gihugu cya Uganda,uyu mugore akomeje kwemeza ko umugabo we yagambaniwe na Col.Faida afatanyije na Gen.Ntilikina Faustin uba mu Bufaransa.

Madame Niyirera Clementine avugako habura ibyumweru 2, umugabo we hari ubutumwa bw’abakozi b’Imana baturutse muri Uganda bazaga  kumuhanurira bamubwira ko igihe kigeze akiyeza kuko agiye kwicwa atanzwe na bakuru be.

Uyu mugore wa nyakwigendera avugako ubwo butumwa bwavugaga ko Komanda  Mukuru wa RUD Urunana uba i Burayi ndetse n’umwungirije Col.Faida bari gutegura umugambi wo kumwicisha,kuko bamubonagamo ko azabasimbura kuko yari akunzwe na rubanda ndetse n’abasiriikare bato,muri uwo mugambi kandi ko n’uwitwa Col.Bushegeri na Ajida Yasolo nabo bazamukurikira.

Uyu mugore avuga ko nyuma y’ubwo buhanuzi nyakwigendera Gavana yahise ahura n’igitero ari nacyo yaje kugwamo, aho akekako Gen.Ntilikina na Col.Faida baba barigukorana n’umutwe wa M23.

Taliki ya 17 Ukuboza 2022 nibwo umutwe wa M23 ubicishije ku rukuta rwabo rwa Twitter wigambye ko wagabye igitero ku mutwe wa CRAP ya RUD Urunana,wica Maj.Gavana n’uwari umwungirije ndetse n’abandi barwanyi Icyenda.

Uwineza Adeline