Ubujura bwa Mudasobwa zagenewe abanyeshuri mu bigo by’amashuri bukomeje gukaza umurego
Kuri icyi cyumweru taliki ya 7 Nyakanga 2019 mu rwunge rw’amashuri Maya II giherereye mu murenge wa Rugarama, Akarere ka Burera, Intara y’Amajyaruguru habaye igikorwa cy’ubujura bw’imashini (Laptops) zagenewe abanyeshuri biga muri iryo shuri. Ku bufatanye bwa Police, DASSO n’abaturage ndetse n’umuzamu urinda iryo shuri bafatiye abajura mu cyuho, muri abo bajura bakekwaho icyo cyaha harimo uwitwa NIZEYIMANA Isaac uri mu kigero cy’imyaka 22 witwikiriye ijoro we n’abagenzi be babiri bakica idirisha bakoresheje gatarina (igiti) binjira mu bubiko bwizo mudasobwa ku bw’amahirwe bafatwa batarazirenga umutaru.
Mu kwinjira imbere mu bubiko bakoresheje igiti bamena griage z’idirisha uyu ukekwa NIZEYIMANA Isaac yinjiramo, bagezi be bumvise umuzamu urinda iryo shuri bariruka maze uyu NIZEYIMANA Isaac wafatiwe mu cyuho yurira muri parafo (Ceiling), amaze gufatwa niho yatangaje nabo bari bafatanije muri icyo gikorwa kigayitse.
Ukekwa NIZEYIMANA Isaac n’abagenzi be bakaba batawe muri yombi bashyikirizwa RIB kuri Sitasiyo (Station) ya police ikorera mu murenge wa Gahunga ho mu karere ka Burera.
