Indege yo mu bwoko bwa kajugujugu ingabo za Uganda zifashisha mu myitozo yahanutse ku gicamunsi cyo kuri uyu wa kane tariki ya 11 Gashyantare 2021, abasirikare babiri bari bayirimo bajyanwa kwa muganga ikubagahu.
Umuvugizi w’ingabo z’iki gihugu Brig. Gen, Flavia Byekwaso yemeje aya makuru, avuga ko yahanutse saa munani n’iminota 15 ku isaha ya Uganda.
Muri ubwo butumwa yanyujije kuri Twitter, Byekwaso yavuze ko iyi kajugujugu yahanutse ikimara guhaguruka, igwa hafi y’ahitwa Libido beach.
Ubuyobozi bw’igisirikare cya Uganda buravuga ko bwatangiye iperereza ngo icyateye iyi mpanuka kimenyekane nk’iko Daily Monitor dukesha iyi nkuru ibivuga.
