Muri Uganda haravugwa urupfu rw’Umunyamabanga wa Leta ushinzwe umurimo wabaye no mu gisirikare cy’iki Gihugu ku ipeti rya Colonel, wishwe arashwe n’umurinzi we.
Iyi nkuru y’urupfu rwa Colonel (Rtd) Charles Okello Engola, yamenyekanye muri iki gitondo ubwo yari amaze kwivuganwa n’umurinzi we wamurasiye mu rugo rwe ahitwaKyanja muri Kampala.
Aya makuru kandi yanemejwe na Luke Owoyesigire, Umuvugizi wa Polisi mu Mujyi wa Kampala, wagize ati “Yego, Kyanja yarashwe. Umusirikare yarashe sebuja.”
Amakuru avuga kandi ko uyu murinzi wa Colonel (Rtd) Charles Okello Engola, wamwuvuganye amurashe, na we yahise yirasa.
N’ubwo inzego zishinzwe iperereza zahise zitangira kurikora, hari amakuru avuga ko yamuhoye kuba yari amaze igihe kinini atamuhemba, kuko yari amurimo Miliyoni 4 z’Amashilingi ya Uganda.
RWANDATRIBUNE.COM
