Reading: Umugaba Mukuru w’Ingabo z’u Rwanda ari mu ruzinduko rw’iminsi itatu mu Gihugu cy’Abarabu

Umugaba Mukuru w’Ingabo z’u Rwanda ari mu ruzinduko rw’iminsi itatu mu Gihugu cy’Abarabu

Last updated: 2022/09/12 at 1:28 PM

Chief Editor

1 Min Read

General Jean Bosco Kazura, Umugaba Mukuru w’Ingabo z’u Rwanda, ari mu ruzinduko rw’iminsi 3 muri Algeria, aho yaganiriye na Mugenzi we w’iki Gihugu.

Itangazo dukesha Ubuyobozi bw’Ingabo z’u Rwanda ryagiye hanze kuri uyu wa Mbere tariki 12 Nzeri 2022, rivuga ko General Jean Bosco Kazura yagiranye ibiganiro na mugenzi we w’Igisirikare cya Algeria (ANPA/ Algeria National Popular Army), Lieutenant General Saïd Chengriha.

Ibi biganiro by’Abagaba Bakuru b’Ingabo z’Ibihugu byombi, byagarutse ku mikoranire y’igisirikare ku mpande zombi (RDF na ANPA).

Ubuyobozi bw’Ingabo z’u Rwanda buvuga ko Umugaba Mukuru w’Ingabo z’u Rwanda, General Jean Bosco Kazura yaherekejwe n’Umugaba Mukuru Wungirije w’Ingabo zirwanira mu kirere, Col G Gasana ndetse n’Umuyobozi ushinzwe ubutwererane mpuzamahanga muri RDF, Brig Gen Patrick Karuretwa.