Umugaba Mukuru w’Ingabo z’u Rwanda, General Jean Bosco Kazura yagiriye uruzinduko muri Kenya yakirwa na mugenzi we w’iki Gihugu General Robert Kiboch.
General Jean Boco Kazura yakiriwe na mugenzi we General Robert Kiboch kuri uyu wa Kane tariki 02 Kamena 2022 ku cyicaro gikuru cy’Igisirikare cya Kenya i Nairobi.
Umugaba Mukuru w’Ingabo z’u Rwanda yakiriwe mu karasisi k’igisirikare cya Kenya kirwanira mu kirere ubundi abona ahura na mugenzi we wa Kenya.
Ubwo Umugaba Mukuru w’Ingabo za Kenya yakiraga mugenzi we w’u Rwanda, yari kumwe n’umwungirije Lieutenant General Francis Ogolla, ndetse n’abandi bayobozi b’inzego zinyuranye mu gisirikare cya Kenya n’abandi Bajenerali bakomeye.
Abagaba bakuru b’Ingabo ku mpande z’Ibihugu byombi, bagiranye ibiganiro byagarutse ku ngingo zinyuranye zirimo imikoranire mu bya Gisirikae.
General Jean Bosco Kazura yanabonyanye n’Umunyamabanga uhagarariye Ingabo muri Guverinoma ya Kenya, Eugene Wamalwa wamwakiririye mu biro bye.
RWANDATRIBUNE.COM
