Umugore yishe umugabo we nyuma y’iminsi 14 babanye nk’umugabo n’umugore kubera ko ngo atamukunda.
Uyu mugore witwa Happy Nyasumo w’imyaka 18 y’amavuko wo muri Komini Serengeti, mu Ntara ya Mara muri Tanzaniya yishe umugabo we Bebe Mbogo w’imyaka 26 y’amavuko ku wa 14 Mata 2021 nk’uko Global Publishers ibitangaza.
Ibi byabaye nyuma y’uko Happy yahukanye avuga ko adashaka umugabo we ariko iwabo bakomeza kumuhatira gusubirayo kuko batashakaga gusubiza inka yakowe.
Nyirarume wa nyakwigendera, Johannes Masirori, yavuze ko Happy na Mbogo bari bashyingiwe ku wa 31 Werurwe 2021 ndetse yemeza ko Happy yishe umugabo we yabigambiriye kuko bari bararanye.
Yakomeje avuga ko ubwo Happy yamaraga kwica umugabo we yahise ku mugabo w’umukobwa wa mukuru we ndetse akomeza kwidegembya agaragaza ko nta cyabaye.
