Ahagana saa yine z’ijoro ryo ku wa Kabiri tariki 6 Ukuboza 2021,nibwo umusore witwa Nzabandora Issa w’imyaka 32 yiyahuriye mu nyubako y’Inkundamahoro iherereye ,mu murenge wa Kimisiagara mu karere ka Nyarugenege mu mujyi wa Kigali.
Nyakwigendera Nzabandora bivugwa ko avuka mu Karere ka Karongi yiyahuye asimbutse mu igorofa ya 5 ahita apfa
Ubuyobozi bwa Inkundamahoro bwemeje ko uyu musore yari afite umugambi wo kwiyahura kubera ko yavuye mu kabari gaherereye muri iyi nyubako mu igorofa ya gatanu ahita asimbuka.
Umuyobozi wa Inkundamahoro, Niyonshuti Rwamo Emile yagize ati “ Byabaye ahagana saa Yne z’ijoro ariko asa nk’aho ari cyo cyari kimuzanye kuko yari arimo kunywa inzoga mu kabari asohoka yiruka ahita asimbuka avuye mu igorofa rya gatanu.”
Yakomeje avuga ko uyu muntu ari uwa kane wiyahuriye muri iyi nyubaka kuva umwaka wa 2021 watangira.
Umurambo wa nyakwigendera wahise ujyanwa ku Bitaro bya Polisi ku Kacyiru.
