Sergeant Major Kabera Robert wamenyekanye nka “Sergeant Robert” arahigwa bukware akekwaho icyaha cyo gusambanya umwana w’imyaka 15 agahita atoroka igisirikare.
Sergeant Major Kabera Robert wamenyekanye nka “Sergeant Robert” arahigwa bukware akekwaho gusambanya umwana
Amakuru dukesha Igihe.com avuga ko icyo cyaha cyakozwe kuwa Gatandatu tariki 21 Ugushyingo, ubwo yasambanyaga umwana w’imyaka 15. Bimaze kumenyekana ko byabaye, yahise atoroka ku buryo magingo aya yaburiwe irengero.
Inzego z’umutekano zatangiye kumushakisha uruhindu ngo agezwe imbere y’ubutabera. Ndetse zinasaba uwamubona kubimenyesha inzego zishizwe umutekano zimwegereye.
Sergeant Major Kabera Robert azwi cyane muri Army Jazz Band; itsinda ry’ingabo z’u Rwanda ricuranga, ndetse azwi nanone nk’umhanzi ukora izindi ndirimbo ku giti cye.
Ingingo ya 133 y’itegeko rigena ibyaha n’ibihano ivuga ko uhamijwe icyaha cyo gusambanya umwana ahanishwa igifungo kitari munsi y’imyaka 20 ariko kitarenze imyaka25.
Iyo gusambanya umwana byakorewe u mwana uri munsi y’imyaka14, igihano kiba igifungo cya burundu kidashobora kugabanywa kubera impamvu nyoroshyacyaha.
Iyo gusambanya umwana ufite cyangwa urengeje imyaka14 byamuteye indwara idakira cyangwa ubumuga, igihano kiba igifungo cya burundu.
