Abarwanyi ba M23 bigaruriye uduce 4 twagenzurwaga na FPP mu mirwano imaze iminsi ibiri
Umunyamakuru wacu uri Goma yavuganye na Lt.Col Rukokoma Umuvugizi w’uyu mutwe amubwira ko inyeshyamba za FPP zatakaje agace ka Nyamwisi,Buramba ,Kwituguru ndetse n’umupaka wa Ishasha Col.Rukokoma yagize ati:Bombe nyinshi ziri kugwa ahitwa Buramba ni muri 2 Km ugana Nyamirima,ibi byatumye abasilikare bacu bahava kugirango abaturage batahagwa.
Umwe mu baturage batuye Katwiguru yabwiye Rwandatribune ko abarwanyi ba Wazalendo babarizwa muri Mai Mai La Jeunesse aribo bagenzuraga umupaka wa Ishasha uhuza Uganda na Congo,abo barwanyi bakaba bahunze berekeza mu gace ka Kamandi abandi burira amato bajya mu kiyaga cya Lake Edouard.
Umutwe wa FPP Abajyarugamba washinzwe mu mwaka wa 2003 ugizwe n’abarwanyi bahoze muri FDLR na RUD URUNANA,uyu mutwe ukuriwe na Gen.brigade Kanane Jean Damacsene uzwi ku mazina ya Dani,ugizwe na Batayo 4,arizo,Zayituni,Zodiac,Marine na CRAP buri batayo ikaba ibarirwa mu basilikare 200.
Mwizerwa Ally
Rwandatribune
