Ihuriro ry’amashyaka 36 rivuga ko rirwanya Leta y’uRwanda ryangaje ko ryakiye RNC nk’umunyamuryango mushya
Ihuriro RBB (Rwanda bridge builders) mu itangazo ryasohoye k’umunsi w’ejo Rwandatribune ifitiye kopi ,ryavuze ko bakiriye ishyaka RNC nk’umunyamuryango mushya iri tangazo rikaba ryasizweho umukono na Perezida wa RBB Jmv Ndagijimana.
Ku Cyumweru tariki ya 28 Ugushyingo 2021 RNC yari yatangaje ko yikuye muri RBB kubera ko abagize iri huriro bakoreshyaga amagambo apfobya Jenoside yakorewe abatutsi,aho bensho muri bo bavugaga ko batemera Jenoside yakorewe abatutsi mu gihe RNC yo yabyemezaga.
Mu gihe kandi uwitwa Mukankusi Charlote na Rugema Kayumba bo muri RNC batahwemye gushinja ko igizwe n’abanyamuryango bafite amatwara ya PARMEHUTU”, bityo ko nta murwanashyaka wa RNC ukwiye kuyibarizwamo.
Muri iri tangazo kandi RBB yakiye ishyaka PDR Ihumure rihagarariwe na Paul Rusesabagina,ndetse Paul Rusesabagina akaba yagizwe Umuyobozi w’ikirenga wa RBB,abasesnguzi mu bya Politiki basanga kwihuza kw’aya mashyaka nta gidasanzwe babibonamo kuko aya mashyaka ahora yubaka amahuriro hashyira amezi make agahita asenyuka.
Ihuriro RBB riyobowe na Ndagijimana JMV wahoze ari Minisitiri w’ububanyi n’amahanga mu Rwanda,waje gutoroka ubutabera aho yashinjwaga kurigisa amafaranga agera ku bihumbi makumyabiri by’amadorali (200.000$), yari yahawe na leta y’u Rwanda ngo akoreshwe muri gahunda yo gufungura ibikorwa bya za ambasade mu bihugu by’iburayi .
Mwizerwa Ally
Rwandatribune.com
