Muri Leta Zunze Ubumwe za America, haravugwa inkuru y’umusore w’imyaka 18 w’umwirabura watorewe kuba Mayor, aca agahigo kuba ari we wa mbere utorewe uyu mwanya ku myaka mito.
Ni umusore witwa Jaylen Smith, yatorewe kuba umuyobozi w’Umujyi wa Eagle muri Leta ya Arkansas muri Leta Zunze Ubumwe za America.
Uyu musore na we ubwe yasanzwe n’ibyishimo by’iyi ntambwe idasanzwe yagezeho nyuma yo gutsinda ku majwi 235 ku 185 y’uwo bari bahanganye.
Mu butumwa bwe, Jaylen Smith yavuze ko agiye guteza imbere urwego rwa Polisi ndetse akanacunga neza inzu zatawe n’abahoze bazibamo.
Yashimiye abamushyigikiye bose, abasezeranya ko bazafatanya neza mu buyobozi bwe ndetse ko izi nshingano ze azakomeza kuzifatanya n’amasomo asanzwe yiga.
Uyu musore asanzwe ari Perezida w’Ihuriro ry’abanyeshuri muri kaminuza asanzwe yigamo, akaba yateye benshi kwishimira iyi ntambwe yagezeho.
RWANDATRIBUNE.COM
