Abayobozi bakuru mu ngabo za FRADC ,bakomeje gutabwa muri yombi bakekwaho ubugambanyi no gukorana n’umutwe wa M23.
Nyuma ya Lt Gen Philemon Irung Yav, Gen Bde Peter Cirimwamwami n’abandi basirikare batatangajwe amapeti Yabo bagera kuri 75 batawe muri yombi bakekwaho gukorana na M23, kuri ubu undi musirikare mukuru ariko FARDC yirinze gutangaza amazina ye, yatawe muri yombi bikekwa ko nawe akorana n’umutwe wa M23.
Ubugenzuzi bukuru bwa gisirikare mu mujyi wa Butembo ,bwatangaje ko uwatawe muri yombi ari umwe mu Bayobozi ba “Etat de Siege”( Ubuybozi bw’abasirikare na Polisi bwasimbuye abayobozi b’abasivile) muri ako gace.
N’ubwo birinze gutangaza amazina ye ku mpamvu bemeza ko ari iz’umutekano w’igihugu, Ubugenzuzi bw’Ingabo muri Butembo, buvuga ko uwatawe muri yombi akekwaho ubugambanyi, hakiyongera ibyabya Birimo gufata ku ngufu abana babakobwa bataruzuza imyaka y’ubukure ,ndetse ko nyuma y’iperereza riri Kumukorwaho hatangazwa amazina ye.
HATEGEKIMANA Claude
Rwandatribune.com
