Mu gihe Ingabo z’umutwe wa M23 ziri gusatira umujyi wa Goma, ingabo za Leta (FARDC) zimuriye ibirindiro byazo ahitwa Munigi uherereye mu Bilometero 5 uvuye mu Mujyi wa Goma kugira ngo uyu mutwe udafata uyu mujyi.
Imirwano ihanganishije Umutwe wa M23 n’ingabo za Leta, yatumye FARDC yimurira ibirindiro byayo ahitwa Munigi nkuko Radio ijwi rya Amerika dukesha iyi nkuru ibivuga.
Ubusanzwe icyicaro cy’ingabo za FARDC cyari kiri mu mujyi wa Rutshuru mbere yuko ufatwa kiza kwimukira ahitwa Kibumba, kuwa kane w’icyumweru gishize ubwo imirwano yatangiraga ahitwa Kibumba ndetse ejo ku Cyumweru biza kurangira Umutwe wa M23 uyigaruriye yose, harimo n’umujyi wa Kabuhanga. Ibi ni byo byatumye ingabo za FARDC zimura ibirindiro.
Ubwo twandikaga iyi nkuru imirwano yakomereje mu bice bya Kamahoro, Mwaro no mu nkengero za Mbenga.
Tuzakomeza kubagezaho amakuru y’iyi ntambara ihanganishije Umutwe wa M23 n’ingabo za Leta FARDC.
Ally MWIZERWA
RWANDATRIBUNE.COM
