Ibirindiro bya FDLR biri ahitwa Murimbi muri Gurupoma ya Tongo byagabweho igitero gikomeye na M23.
Umunyamakuru wacu uri Kichanga avugako ibintu bikomeje kumera nabi ,kuva ku munsi w’ejo kuwa Kabiri tariki ya 15 Ugushyingo 2022 aho ingabo za Leta FARDC zifatananyije n’inyeshyamba za FARDC zibarizwa muri Batayo ya Kanani ikuriwe na Col Sikove zihanganye na M23 yagose ako gace.
Isoko y’amakuru ya Rwandatribune iri Tongo ivugako imirwano uyu munsi yasatiriye ahitwa i Murimbi nahitwa kuri Antene. Amakuru afitiwe gihamya yemeza ko ibirindiro bya FDLR biri ahitwa Bishigiro byayoborwaga na Maj Togole byafashwe na M23,ku munsi w’ejo.
Abesesenguzi mu by’umutekano wa Kivu y’Amajyaruguru bavuga ko ifatwa rya Murimbi n’ahitwa kuri Antene ,rigamije gufungurira umutwe wa M23 amayira yo gufata Kichanga na Mweso ,umujyi wa Goma ukazasigaramo hagati. Ubwo twandikaga iyi nkuru abaturage ba Mulimbi na Tongo bariguhungira ahitwa Kabizo
Mwizerwa Ally
fardc nibe iruhuka M23 ibanze ikubite fdlr iyihabye, ahubwo leta ya congo igomba gushimira byimazeyo M23 kuko irigusenya imitwe y’inyeshyamba yayogoje kivu zombi. UN nayo ihe imfashanyo M23 kuko irigiukora ibyayinaniye
Kabaka we,ako kantu…Nibahambire bo kanyagwa.