FDLR,Mai Mai CMC Nyatura na FARDC bateye ibirindiro bya M23 biri iBiruma na Rugali.
Kuva mu rukerera rwo kuri uyu wa kabiri taliki ya 08 Ugushingo 2022 imirwano ihanganishije umutwe wa M23 na FARDC ifatanyije na FDLR,Mai Mai MPA ya Eric Busholi na Mai Mai CMC Nyatura ya Gen Dominique Ndaruhutse.
Mbere y’uko imirwano itangira habanje ibitero byo mu kirere aho amabombe menshi yaterwaga n’indege z’indwanyi za Leta FARDC mu bice byose bigenzurwa na M23
Isoko y’amakuru ya Rwandatribune iri Tongo ivugako imirongo y’abarwanyi ba FDLR bavuye mu gace ka Paris ku birindiro byayo yerekeza i Rugali ,aho yaje guhurira n’ingabo za Leta FARDC.
Abucishije ku rukuta rwa Twitter, Umuvugizi wa M23 Kanyuka yemeje ayo makuru avuga ko ibitero by’indege byatangijwe mu gace kagenzurwa n’uyu mutwe,yemeza ko barirwanaho.
Twagerageje kubaza icyo uruhande rw’ingabo za Leta FARDC zibivugaho duhamagara ,Umuvugizi wa FARDC muri operasiyo Socola II Lt.Col Ndjike Kaiko ntitwamubona kugeza ubwo twandikaga iyi nkuru
Mwizerwa Ally
