Nyuma y’ifatwa rya Kabaragasha na Burungu inyeshyamba za M23 zirukanye Wazalendo na FARDC mu duce twa Kirolirwe,Karenga,Nturo na Petit.
Uyu munsi w’icyumweru ntiwabereye mwiza abaturage bo muri Teritwari ya Masisi nyuma y’aho abarwanyi ba Wazalendo,FARDC na FDLR bagabye ibitero ku birindiro bya M23 bakaba bakomye rutenderi,ubu uduce hafi dutanu twari ibirindiro bya FARDC tukaba turikugenzurwa na M23.
Isoko y’amakuru ya Rwandatribune iri i Kichanga ivuga ko nyuma yaho ingabo za Leta FARDC zigabiye ibitero kuri M23,mu bice bya Bwiza na Kichanga imirwano yahise ikara ingabo za Leta zikirukankanywa zikagezwa Kabaragasha na Burungu ,ahangaha iBurungu ,ingabo za leta zibarizwa muri Anaconda Burigade zegerageje kwirwanaho birangira hafashwe,ndetse M23 yiyongeza utundi duce.
Amakuru Rwandatribune ifitiye gihamya avuga ko muri iki gihe umutwe wa M23 ariwo ufite ubugenzuzi ku bw’ibice bya Kirolirwe,Karenga,Nturo na Petit ndetse imirwano ikba igikomeye aho uyu mutwe urikwirukana ingabo za Leta FARDC k’umusozi wa Kicwa ugifitwe n’abakomando ba FARDC babarizwa muri Burigade ya Anaconda.
Kugeza ubu aya makuru nta ruhande rwa FARDC cyangwa urwa M23 rurahakana cyangwa ngo rwemeze aya makuru gusa ,umwe mu masoko yacu uri Kirorirwe wegereye Col.Niyibizi Komanda wa Burigade ya Anaconda yamuhamirije, aya makuru mu butumwa bugufi bwa sms bugira buti:Muvandimwe twatakaje ahantu henshi,harimo Kirorirwe,Petit Kabaragasha n’ahandi.
Mwizerwa Ally
