Kuri uyu wa Gatandatu tariki ya 21 Kanama 2021 Umuyobozi wungirije wa Polisi ya Uganda Inspector General of Police, Maj Gen Paul Lokech yapfuye nkuko itangazo ry’igisirikare cya Uganda ribigaragaza.
Itangazo ry’ingabo za Uganda rivuga ko uyu musirikare wa Uganda yaguye iwe mu rugo. Iri tangazo ribika uyu musirikare riragira riti” UPDF ibabajwe no gutangaza inkuru y’urupfu rw’Umuyobozi wungirije wa Polisi ya Uganda Maj Gen Paul Lokech. Roho ye iruhukire mu mahoro”
Igipolisi cya Uganda cyo kivuga ko uyu mugabo yari ikimenyetso cy’urugamba mu bo bari kumwe ndetse nabo bakoranye mu gisirikare n’igipolisi cya Uganda.Yibukirwa cyane cyane mu ku kuba yari umwe mu bahawe kuyobora itsinda ryashinzwe guhangana n’umutwe wa Al Shabaab wo muri Somalia.
Umuyobozi wa Polisi ya Uganda IGP Martin Okoth Ochola yavuze ko hashyizweho ikipe yiperereza ishinzwe kumenya intandaro y’urupfu rwe bityo ibiva mu iperereza bikaza gutangazwa mu gihe kiri imbere.Yagize ati ” Nashyizeho itsinda ry’abaganga ribobowe na Dr Moses Byaruhanga rishinzwe gukora iperereza ku cyateye urupfu rwe.”
Gen Paul Rokech yahoze ayobora ikigo cy’ingabo zishinzwe gutabara byihuse (Commandant of the Uganda Rapid Deployment Capability Centre) i Jinja aho yavanwe kuwa 16 Ukuboza 2020 ahita agirwa umuyobozi wungirije wa Polisi ya Uganda.
