Joaquim Chissano wahoze ayobora igihugu cya Mozambique arasaba Leta kureba uko bagirana ibiganiro n’imitwe n’inyeshyamba ibarizwa mu ntara ya Cabo Delgado, ibi abishingiraho agendeye kuko hari ubwoko bw’iterabwoba bwabaye muri iki gihugu mu myaka yashize rikarangira hakozwe ibiganiro.
Mu kiganiro yagiranye na Radiyo Mozambique yavuze ati: “Birashoboka ko umukuru w’uwo mutwe wajya ahagaragara akaduha amahirwe yo kujya mu biganiro byarangiza intambara”.
Joaquim Chissano yabaye umukuru w’igihugu cya Mozambique kuva mu 1986 kugeza 2005 , mu byo yakoze yayoboye ibiganiro hagati y’umutwe w’inyeshyamba wa RENAMO warwanyaga Leta akiri ku butegetsi .Ibiganiro byarangiye neza kuko byarangije intambara yamaze imyaka 16 ica ibintu muri iki gihugu.
Filipe Nyusi ni umukuru w’igihugu, avuga ko afite ishaka ryo kuganira, ariko akanagira impungenge ko inyeshamba zo zishobora kuterekana isura ya nyayo y’ibiganiro.
Intambara mu ntara ya Cabo Delgado yatangiye kuva mu mwaka wa 2017, intambara yatangije n’umutwe w’inyeshyamba bivugwa ko ukorana bimwe mu bitero bikavugwa ko ari inyeshyamba zikorana na Etat Islamique/Islamic State (ISIS) wiyita al-Shabab , ni intambara imaze guhitana abarenga 3000 naho abasaga 800.000 bakuwe mu byabo
Igihugu cy’u Rwanda kikaba cyarohereje ingabo muri Mozambique mu rwego rwo kugarura amahoro n’umutekano iki gikorwa kikaba kimaze gutanga umusaruro mwiza aho hari uduce twari twarigaruriwe n’izi nyeshyamba zatwambuwe ku bufatanye bw’ingabo z’u Rwanda na Leta ya Mozambique.
Ingabire Rugira Alice
