Ingabo za Leta ya Congo FARDC hamwe n’imitwe y’inyeshyamba zibumbiye mu kiswe Wazalendo,bakimara gufata aka gace bahise batangira gutwika urusisiro rwa Nturo.
Inyeshyamba za FDLR Foca ziri kumwe n’aba basirikare ba FARDC bivugwa ko aribo baba basakuje bavuga ko iki gice gituwe n’Abatutsi bityo ko bagomba kuhatwika ntibazabone aho bongera kwikinga.
Ibi kandi biri kuba mu gihe ingabo za Leta ya Congo FARDC zatangiye guhakana ko abasirikare babo nta nambara binjiyemo, kuko bagitegereje ibizava mu myanzuro ya Luanda na Nairobi.
Cyakora ibi ingabo za Leta ya Congo zivuga nti zibihuriraho n’ibyo umutwe w’inyeshyamba wa M23 utangaza, dore ko wamaze guteza ubwega uvuga ko nawo ugiye kwinjira mu mirwano, kuko Leta yamaze kwica ibikubiye mu myanzuro ya Luanda.
Umuhoza Yves
Rwanda Tribune
