Mungendo amaze iminsi akora yise izo kugarura amahoro, ubumwe, urukundo n’iterambere, mu banyagihugu, Vital Kamerhe kuri uyu wa 26 Nzeri yongeye kwigaragaza I Kindu muri Maniema, asaba abaturage b’igihugu cye kuba umwe no kugirana urukundo.
Uyu muyobozi w’ishyaka UNC kuri uyu wa 26 Nzeri 2022 yakoreye inama kuri tiribune nkuru ya Kindu, mu rwego rwo kuzenguruka igihugu ahamagarira abaturage kwimakaza amahoro no gukunda igihugu.
Uwahoze ari umuyobozi mukuru w’ibiro bya Perezida Félix-Antoine Tshisekedi na we yagaragarijwe ingorane abaturage bo muri iyi ntara bafite. Mur’ibyo harimo kubura amashanyarazi, ubushomeri, kutagira imihanda ibafasha kuzahura ubuhinzi bwabo.
Bwana Kamerhe yanenze kandi kudashyira hamwe kw’abayobozi bamwe na bamwe, yanasezeranije abari aho bose kuzashyikiriza ibibazo byose yagejejwe ho kubashinzwe kubikemura, kuburyo bibonerwa ibisubizo.
Umuhoza Yves
