Wazalendo yongeye kugaragaza ko, iri gutegura imyigaragambyo ikaze

Ihuriro ry’abiyise Wazalendo, rifasha ingabo za Leta ya Repubulika ya Demokarasi ya Congo (FARDC ) kurwanya inyeshyamba za M23, ryongeye gutangaza ko riri gutegura imyigaragambyo simusiga yo kwamagana ingabo za Monusco.

Mu itangazo ryabo bavuze ko iyo   myigaragambyo izaba igamije kwirukana ingabo z’umuryango w’Abibumbye(MONUSCO) zikorera mu bice by’Uburasirazuba bwa Congo. Aho bivugwa ko zihamaze imyaka irenga 18 nta musaruro abanye Congo bazibonamo.

Ihuriro rya Wazalendo rivuga  ko Monusco  ntacyo yigeze imarira abanye Congo kuko ngo nubwo zaje zigamije kugaru amahoro muri DRC   batigeze bayagarura, ko  ahubwo intambara zarushijeho kwiyongera kandi zireberera, ahubwo ko icyo zikora ari ugusahura umutungo kamere w’igihugu cyabo.

Ibi byatangajwe n’umunyamakuru Justin Kabumba watangaje ko iyi myigaragambyo izaba kuwa 13 Nzeri 2023. Iyo myigaragambyo kandi ngo izaba igamije gusaba ko muri DRC  hakorwa ubutabera kuri Wazalendo ngo cyane ko baheruka kwicwa n’inzego zishinzwe umutekano muri Repubulika ya Demokarasi ya Congo mu gace ka Goma kuwa  30 Kanama 2023, hishwe aba  Wazalendo benshi.Nubwo  Leta yatangaje ko abishwe bageze kuri 51 ariko  Wazalendo ubwabo bavuga ko hishwe abarenga 163.

Iyi myigaragambyo yatumye  Guverineri w’Intara ya Kivu y’Amajyaruguru Lt Gen Ndima, ahagarikwa ndetse n’abandi ba Colonel babiri barimo ukuriye ingabo zishinzwe kurinda umukuru w’igihugu (GR) bikavugwa ko aribo bayoboye ibitero byahitanye abo Wazalendo.

Abanyekongo  bo muri Kivu y’Amajyaruguru na Kivu y’Amajyepfo bagize igihe basaba ko izi Ngabo za Monusco zabavira mu gihugu  kuko ntacyo zibamariye.

Uwineza Adeline