Mu muhango wo gutangaza ku mugaragaro ibyavuye mu matora y’umukuru w’Igihugu wabereye mu nzu mberabyimbi ya Boma mu gake ka Langata mu murwa mukuru wa Kenya i Nairobi, William Somoei Ruto ni we wemejwe ko yatorewe kuyobora Kenya.
Ibi byavuye mu matora bitangajwe mu buryo bw’agateganyo mbere y’uko bizemezwa burundu na Komisiyo y’amatora y’iki gihugu mu byumweru 2 biri imbere.
Ni nyuma y’ibarura ry’amajwi aho William Ruto usanzwe ari Visi Perezida w’iki gihugu n’ishyaka rye ADM yagize 50.49% mu gihe Azimio la Umoja rya Raila Odinga yekugakanye 48.%.
Abandi bakandida baza inyuma mu mahirwe ni David Mwaure Waihiga we wamaze no gutangaza ko yemeye ko yatsinzwe amatora, ahubwo avuga ko ashyigikiye Ruto, na Prof. George Wajackoyah, we watangaje ko afite icyizere ko agomba gutsinda amatora y’Umukuru w’Igihugu araruzuza n’ijwi na rimwe ku ijana.
Uyu muhango wo gutangaza ibyavuye mu matora mu buryo bw’agateganyo wayobowe na Perezida wa Komisiyo y’Amatora (IEBC) Wafula Chebukati.
William Ruto mu ijambo rye rya Mbere nka Perezida wa Kenya, yashimiye abamutoye, ashimira Raila Odinga bari bahanganye, anamwizeza ko umwanya w’umukuru w’Igihugu atsindiye azakorana na buri wese ubishaka ku nyungu z’Abanyakenya.
Yanashimiye uwo yise Boss we, Uhuru Kenyatta wamugiriye icyizere bagakorana imyaka igera ku 10 yari amaze ayobora iki gihugu.
