Umuhanzi Itahiwacu Bruce uzwi nka Bruce Melodie yifurije isabukuru nziza umukobwa we, yifashishije amashusho bari kumwe bizihiwe nk’umubyeyi n’umwana.
Mu butumwa buherekejwe n’amashusho yashyize kuri Instagram ye amugaragaza ari kumwe n’umukobwa we bigaraga ko bishimye nk’umubyeyi n’umwana, Bruce Melodie yifurije isabukuru nziza umukobwa we wujuje imyaka irindwi (7).
Yagize ati “Inshuti yanjye y’agatangaza yujuje imyaka 7, Papa wawe aragukunda cyane gikomangomakazi.”
Muri aya mashusho aba yumvikanamo indirimbo ya Bruce Melodie, Nziza Brittah umukobwa w’uyu muhanzi, abwira se ko amukunda cyane kubera ibyo amukorera.
Uyu mwana uba avuga Igifaransa, agira ati “Ngukunda kubera byinshi udukorera nko kunjyana ahantu hatandukanye, ukanjyana ku ishuri inshuro ebyiri ku munsi, ukatugurira impano…”
Bruce Melodie ni umwe mu bahanzi bahagaze neza mu Rwanda, akaba adasiba gushyira hanze indirimbo zaba izo yikoranye ndetse n’izo amaze iminsi akorana n’abahanzi bo mu bihugu bitandukanye aho mu minsi ishize yashyize hanze iyo yise Nyola yakoranye n’ikirangire muri Uganda, Eddy Kenzo.
RWANDATRIBUNE.COM
