Nk’ingabo z’u Rwanda zizwiho gukorana ubunyamwuga, imyitwarire ntagereranywa ku Isi hose, zikunze kurangwa n’ubwubahane udashobora gusanga ahandi. Abajenerali babiri bari mu bakomeye mu Rwanda bagaragaye bateze amatwi mugenzi wabo.
Ni ifoto yafashwe kuri uyu Kane tariki 16 Werurwe 2023 ubwo habaga umuhango wo gushyingura nyakwigendera General (Rtd) Marcel Gatsinzi uherutse kwitaba Imana.
Iyi foto igaragaza General James Kabarebe usanzwe ari Umujyanama wa Perezida Paul Kagame mu by’umutekano, ari kuganira na Maj General Albert Murasira usanzwe ari Minisitiri w’Ingabo ndetse na General Patrick Nyamvumba wabaye Umugaba Mukuru w’Ingabo z’u Rwanda (RDF).
Uyu muhango wo gushyingura nyakwigendera General (Rtd) Marcel Gatsinzi wabaye kuri uyu wa Kane, wabimburiwe n’igitambo cya misa cyo kumusabira bwa nyuma, na cyo kitabiriwe n’aba Bajenerali.
Nyuma y’iki gitambo cya misa, umuhango wo gushyingura nyakwigendera, wakomereje mu irimbi rya Gisirikare riherereye i Kanombe.
RWANDATRIBUNE.COM
