Ingaruka z’intambara hagati ya M23 n’ingabo zirwanirira leta ya Kinshasa, zibasira abasivile mu bice byo mu Burasirazuba bw’iki gihugu ndetse n’ahandi.
Abagera kuri miliyoni 2.7 mu ntara ya Kivu yamanjyaruguru yonyine bavanwe mu byabo n’intambara
Ni bikubiye mu byatangajwe n’ishami ry’u muryango w’Abibumbye ry’ita ku buzima (OMS), aho rivuga ko muri Repubulika ya demokarasi ya Congo, abana barenga miliyoni imwe bashobora kwibasirwa n’ikibazo cy’imirire mibi kubera imvururu z’intambara zikomeje kwiyongera muri iki gihugu.
Imyuzure n’inkangu nabyo byafashe ikindi gice cy’igihugu byangiriza ibindi bice kandi nabyo bizana ingaruka mbi ziyongera ku ntambara bituma abantu bagera kuri miliyoni 25 bacyenera imfashanyo nk’uko bitangazwa n’ishami ry’u muryango w’Abibumbye ry’ita ku buzima.
- Kwamamaza -
Iri shami rivuga ko abana bibasiwe kurusha abandi ari abo mu Burasirazuba bw’iki gihugu cya Repubulika ya demokarasi ya Congo, ndetse n’abo mu ntara ya Katanga.
OMS ikavuga ko ‘bene iyo mibereho ituma abana bashobora gufatwa n’indwara ku buryo bworoshye.’
Iri shami kandi rimaze kubarura abana bagera ku 200. 000 barwaye kolera mu gihugu naho abagera ku 60,000 barwaye iseru. Ivuga ko iyi mibare ishobora kwiyongera kubera ko n’abazima batitaweho mu buryo bukwiye.
- Kwamamaza -
Ikavuga kandi ko amafaranga angana na miliyoni 2.6 z’amadolari y’Amerika agenewe gufasha Congo agera kuri 26 ku ijana gusa ari yo amaze gutangwa.
Rwandatribune.com