Perezida Tshisekedi murugamba rwo gushakisha Jenerali Omega ngo abatabare

Mukiganiro umukuru w’igihugu cya Repuburika iharanira Demokarasi ya Congo yagiranye na Jenerali  Mugabo Hassan uyoboye ingabo ziri k’urugamba za FARDC zimaze iminsi k’urugamba muri gicanga, amusaba numero za Jenerali Pacifique Ntawunguka  bakunze kwita Omega.

Ibi byabaye mu kiganiro uyu mukuru w’igihugu yagiranye n’uyu mu Jenerali kuri uyu wa 26 Mutarama nyuma y’uko inyeshyamba za M23 zifashe umujyi muto wa Kitchanga, zikirukana mo abacanshuro bose ndetse n’ingabo za FARDC.

Urugamba rumaze gukara Perezida Tshisekedi wari muri Dakar muri Senegali aho yari yitabiriye inama yigaga kubijyanye n’ubuhinzi, yahise ahamagara uyu mujenerali wari kurugamba  amubaza icyo babuze kugirango babe batsinzwe undi amubwira byinshi birimo n’ubutabazi.

Muri iki kiganiro  kirekire cyabaye mu rurimi rw’iringala umukuru w’igihugu yumvikanye abaza uyu musirikare aho Omega aherereye undi amusubiza ko atahazi ndetse anamubaza numero ze ndetse undi amwemerera ko araba azimuhaye mu minota 30

Bimwe mu byumvikanye muri iki kiganiro Perezida Tshisekedi yabajije  Mugabo niba yaba yaravuganye na Jenerali Omega,amusubiza ko yamuvugishije ndetse amubwira ko amuha numero ye, ndetse Perezida amubwira ko ayikeneye bitarenze iminota 3 kugira ngo bamusabe ubutabazi.

Uyu mukuru w’igihugu yahise anasaba Mugabo gukora iyo bwabaga bakisubiza Kitchanga bitarenze umunsi umwe gusa.

N’ubwo bimeze gutyo ariko hari hashize igihe iki gihugu gihakanye ko kidakorana n’izi nyeshyamba za FDLR , ibintu byar byagarutsweho na raporo y’umuryango w’abibumbye yemeje ko ingabo za Leta ya Congo zifatanya n’izi nyeshyamba.

Inyeshyamba za FDLR zigizwe n’abasize bakoze Jenoside yakorwe Abatutsi yao mu 1994 hanyuma bahungira muri DRC yahoze yitwa Zayire, hanyuma batangira kwifashishwa n’iki gihugu.

Umuhoza Yves